Për kthimin fizik të pronave konform detyrimeve të Kushtetutës së Republikës

Përmendje

DEKLARATË PËR SHTYP E SHOQATAVE TE PRONARËVE

Tiranë, 30 maj 2014

Duke marrë shkas nga anarkia në të cilën ndodhet aktualisht problemi i pronave në Shqipëri, Shoqata Bregdeti, Shoqata Pronësi me Drejtësi dhe shoqata Dukati (Degët Tiranë, Durrës, Vlorë e Fier), u mblodhën së bashkupër të diskutuar lidhur me situatën anarkike e kleptokratike me pronat, si rezultat i mos zbatimit të Kushtetutës së Republikës, për kthimin e pronës pronarëve trashëgimtarë.

Në kuvënd u shpreh shqetësimi se Qeveria, nuk po zbaton nenin 41 dhe 181 të Kushtetutës së Republikës, të cilët sanksionojnë të drejtën e njohjes dhe kthimit fizik të pronës së trashëguar, por në mënyrë arbitrare vazhdon të zbatojë standarde të shumëfishta, duke e futur popullin në konflikt të përjetshëm me njëri tjetërin.

Argumenti i Qeverisë RAMA se: “ atyre që kanë gati çerek shekulli që po e punojnë tokën (dmth pronarëve të rinj ), do tua japim pronë në bazë të 7501-shit” përveç se është antikushtetues është edhe i padrejtë. Po ne pronarët që këtë tokë e kemi trashëguar e punuar në shekuj, si dhe kemi çerek shekulli që po e kërkojmë – a nuk paskemi shumëfish të drejtë ? Vazhdoni leximin

Skandali me pronat në Elbasan, familjarët denoncojnë grabitjen e trashëgimisë

Skandali me pronat në Elbasan, familjarët denoncojnë grabitjen e trashëgimisë

Botuar në Gazetën Telegraf nga Artur AJAZI më 12/05/2014

17 vjet gjyqeve për pronën e ligjshme prej 31 mijë m2, e barabartë me 6.2 milionë euro

Një tjetër skandal është zbuluar dhe denoncuar nga qytetarët lidhur me grabitjen e pronave, truallit dhe trojeve të ish-pronarëve në Elbasan. Sipas familjarëve të familjes Osmanaj (Çollaku) dhe Gripshi, “skandali me pronat e familjes sonë, të quajtura “Arat e Gjata”, prona e trashëguar nga gjyshërit tanë, ka nisur 17 vjet më parë, kur bashkia e asaj kohe dhe Komisioni Kthimit Pronave, Hipoteka dhe zyrtarët e institucioneve të shtetit, duke bashkëpunuar me persona që nuk kishin lidhje fare me pronat tona, nisën falsifikimin dhe grabitjen e mijëra metrave truall, në ullishte, arat e gjata, në fshatin Jatesh dhe shumë vende të tjera, ku shtrihen pronat tona”.

Vazhdoni leximin

Grabitja e pronave, akuza ndaj zyrtarëve, deputetëve dhe gjyqtarëve

Botuar në gazetën Telegraf nga Artur AJAZI më 07/05/2014

Lumë denoncimesh nga qytetarët në Prokurori, për grabitje pronash në Elbasan

Valë denoncimesh për tjetërsime dhe grabitje pronash, kanë mbërritur në 2 muajt e fundit në Prokurorinë e Elbasanit. Bëhet fjalë për përzierje në afera korruptive të zyrtarëve dhe deputetëve, të cilët duke abuzuar me ligjin, kanë grabitur troje dhe pronat e pronarëve legjitimë në këtë qytet në dy dekadat e fundit. Denoncimet kanë të bëjnë me abuzimet në ullishtat e Elbasanit, trojet e elbasanasve autoktonë tek arat e gjata , trojet në periferinë e qytetit dhe fshatrat rreth tij.

Vazhdoni leximin

Elbasan: denoncim i grabitjes së pronave

Pronarja F.Hoxha: Kryehajduti i pronarëve të Elbasanit është Kujtim Preça

Botuar në Gazetën Telegraf nga Ledjana SALIU më15/04/2014

Elbasan/Trashëgimtarët Skilja denoncojnë grabitjen e pronave nga ish kryebashkiaku Turku, ish regjistruesi Jano dhe përgjegjësit të kadastrës Preça

Një tjetër skandal me pronat në qytetin e Elbasanit. Këtë herë bëhet fjalë për familjen Skilja. Edhe pse pronarë, të vërtetuar që prej vitit 1933 nga dokumente të arkivës së shtetit, edhe pse e rimorën tokën e tyre me Ligjin 7501, ata ende dhe sot e kësaj dite nuk e gëzojnë të drejtën e pronësisë. Në tokën e tyre në “Bejlerbej” ndërtojnë dhe legalizojnë disa zaptues, të cilëve komuna Labinot-Fushë ia ndau tokën në vitin 2000 jashtë çdo kriteri, sepse: “Si mund të ndante komuna një tokë që s’e kishte pasur asnjëherë në juridiksionin e saj? Si mund të ndahej një tokë truall qyteti si tokë bujqësore dhe aq më keq disa pushtuesve që s’kishin qenë asnjëherë anëtarë të kësaj kooperative dhe aq më keq akoma që ishin banorë të lagjes “E. Matraxhiu”? Si mund t’u jepej kjo tokë atyre personave kur ishte ndarë një herë në 1993 pronarëve dhe në kundërshtim të plotë me Ligjin 7501, se ishte jashtë çdo afati kohor?”,  thotë për “Telegraf” znj. Fatush Hoxha (trashëgimtare e z. Haxhi Veli Skilja). Vazhdoni leximin

Duhet të nisin hetimet për prejardhjen e pasurisë së kryekomunarëve, që janë kthyer në bejlerët e Tiranës?

Botuar në Gazetën Telegraf më 08/04/2014

Pronarë vilash, pallatesh e tokash pafund. Heshtin qeveritarë të Majtë e të Djathtë, ndërsa drejtësia nuk guxon të hetojë!

Nuk është e nevojshme që të kërkohen llogaritë bankare, pasi pasuria e kryekomunarëve që administrojnë territore rreth kryeqytetit, duket në ‘dritë të diellit’ dhe është një pasuri që do e kishin zili deri dhe sheikë të vendeve arabe. Tashmë, vila, blloqe apartamentesh, toka të shumta e të tjera pasuri, ose janë legalisht në emër të tyre, të familjarëve, ose në emër të njerëzve të tretë për maskim. Këto pasuri mund t’i gjesh fare lehtë në territore, ku komandojnë vetë këta kryekomunarë si në Komunën e Dajtit, të Farkës, Kasharit, Ndroqit etj…, por dhe në territore të tjera si në zemër të Tiranës e në bregdet. Për paradoks, shumica e tyre (për të mos thënë të gjithë), kanë në detyrën e kryekomunarit nga tre, katër apo më shumë mandate… Sipas disa publikimeve në medie e burimeve të sigurta të gazetës “Telegraf” në institucionin e Deklarimit dhe Kontrollit të Pasurisë, “qoftë dhe deklarimi i tyre zyrtar për burimet e pasurisë, normalisht nuk përligjet me të ardhurat e funksionit që ata kryejnë”. Vazhdoni leximin

Abuzimet dhe krimet me pronat e qytetarëve të Vlorës

Botuar nga Gazeta Telegraf më 03/04/2014, nga Alban Bardhi

Apel Kryeministrit Rama, Kreut të Hipotekave, ministrit të Drejtësisë dhe Prefektes së Vlorës: “Ofrohet shërbim, por realizohet rrëmbim”

Qytetarë të shumtë, vlonjatë dhe lexues të rregullt të gazetës “Telegraf”, vrapuan dje në pikat e shitjes së gazetës në fjalë, telefonuan edhe në redaksinë e saj, teksa në  numrin e saj prezantonte në faqen e parë: “Ja si i pajisi Kryeregjistruesi, mashtruesit me tapi”. Vrapimi i tyre lidhej se shkrimi mund të bënte, dhe bën fjalë, edhe për pajisjen me tapi nga Kryeregjistruesit e Vlorës ndaj kryemashtruesve. E ku nuk është shkaktuar kjo plagë e madhe?! Lexues dhe qytetarë të rebeluar u qetësuan paksa, sepse duke parë edhe abuzimet me pronat në Elbasan, që publikonte gazeta, “ngushëlluan” veten: Nuk qenkemi vetëm në këto gjëma: Hajmedet dynjaje e shkretë… me refrenin e dëgjuar kudo e nga të gjithë: Ç’më farmakose të zinë.

Vazhdoni leximin

Politikanët mashtrojnë Strasburgun për pronat

Botuar në Gazetën Telegraf nga Ledjana SALIU më 21/03/2014

Qeveria, mungesë transparence rreth bisedimeve të Strasburgut me krerët e agjencive dhe të institucioneve për çështjen e pronave

Problemi i pronës është bërë dhe dje objekt i diskutimeve në Parlament, shoqëruar me replika të ashpra mes Kryeministrit Edi Rama dhe kryetarit të Partisë Republikane, Fatmir Mediu. Përveçse akuzave të ndërsjella, si gjithmonë fajtori mbetet jetim, asgjë të re nuk solli ky konfrontim. Kryeministri Rama nuk tha asgjë se për çfarë është folur, apo vendosur në Strasburg kur delegacioni me krerët e agjencive dhe të institucioneve për çështjen e pronave shkoi në fillim-mars në Strasburg për të diskutuar për çështjen e pronave. Vazhdoni leximin

Skandal i Bashkisë së Himarës, pronësi të paligjshme tokash për hotele edhe pallate

Botuar nga Gazeta Telegraf më 16/03/2014

Nga Anesti Çakalli

Përfitues të kundërligjshëm drejtues vendor, prefekti i Vlorës, deputetë dhe biznese nga Tirana

Bashkia Himarë, ka shkelur ligjin, ka shpërndarë formularin 6 (me ligjin 7501) në pronësi, pa nxjerrë në publik për 60 ditë të afishuar me hartat dhe kufitarët. Si rrjedhojë, asnjë prej tapive të lëshuara nga Këshilli Bashkiak, nuk është e ligjshme. Një shkak tjetër i pavlefshmërisë së kësaj shpërndarjeje skandaloze tokash, është fakti që ka mbivendosje pronash. Pse? Vazhdoni leximin

7501-shi, ka marrë deri më sot 7501 jetë njerëzish të pafajshëm

Botuar në Gazetën Telegraf, më 07/03/2014, nga Albert Zholi

FORUM

Efektet e ligjit 7501: Flasin Prof. Ago Nezha, Hasan Halili,  Mustafa Dedenika, Kleanthi Llogoni

Ligji 7501 ka më shumë se 22 vjet që po diskutohet në mbarë shoqërinë shqiptare. Për të, vlerësimet janë nga më të ndryshmet dhe nga më befasueset. Aktualisht në parlamentin shqiptar ka deputetë apo dhe ish- ministra që e kundërshtojnë këtë ligj, kur deri dje ishin ata që këmbëngulnin për zbatimin e tij. Politikanët tanë bëjnë lojën e të paditurit, të harresës, të kalimit të kohës, të mos qasjes së sotme për këtë ligj dhe ja kalojnë topin njëri- tjetrit sa djathtas-majtas.

Por vlen për t’u përmendur deklarata e fundit e ish- Kryeministrit Sali Berisha, që doli me tezën se gjoja është bërë një gabim me ligjin 7501, por nuk jep asnjë version se si dhe a mund të korrigjohet ky ligj. Për këtë ligj ende lihen pa u zgjidhur shumë pyetje? A duhet vazhduar me këtë ligj? A duhet zëvendësuar ky ligj dhe me çfarë ligji duhet zëvendësuar? Çfarë rrëmuje ka sjellë në pronësinë mbi tokën ky ligj dhe a përkrahet nga ndërkombëtarët? Për këto shpjegime le tua lëmë fjalën specialistëve…

Vazhdoni leximin

KLSH, kallëzim penal për nëpunësit e regjistrimit të pasurive të paluajtshme

Botuar në Gazetën Telegraf më 25/02/2014

KLSH kallëzon në Prokurori një ish-drejtuese, dy juristë dhe një hartograf të Zyrës së Regjistrimit të Pasurive të Paluajtshme, Tiranë

Kontrolli i Lartë i Shtetit ka ushtruar auditim në Zyrën Vendore të Regjistrimit të Pasurive të Paluajtshme (ZVRPP) Tiranë, për veprimtarinë e Zyrës në periudhën janar 2011-dhjetor 2012.

Nga ky auditim u konstatuan një sërë shkeljesh në drejtim të regjistrimit të tokës bujqësore dhe kryerje veprimesh, mbi pasuri të fituara me kontrata shitblerje nga pushteti vendor. Vazhdoni leximin