Letër nga “Pronësi me Drejtesi”, dega SHBA

Drejtuar Artan Lames, drejtor ALUIZNI dhe Edi Ramës, Kryeminister

Kushtetuta në fuqi thotë se prona është e blerë, e dhuruar dhe e trashëguar. Asnjë nen i Kushtetutës nuk thotë se prona fitohet me konfiskim, me pushtim dhe me grabitje të pronës së ligjëshme të një pronari legjitim

Në gazetat e datës 16 dhe 17 Gusht 2016 jepet njoftimi nga Drejtori i ALUIZNI-t Artan Lame, “se po vazhdon normalisht procesin e legalizime të ndërtimeve pa leje”, “se gjatë vitit të kaluar janë bërë 40.000 legalizime”, “se kaosi ka ardhur nga sistemi i ndryshëm hartografik”, “se për të favorizuar emigrantët janë hapur sportele të veçanta për ti favorizuar ata”, “se gjatë muajit Korrik janë dhënë 5505 leje legalizimi” me ritëm kolosal, “se deri në Shtator do përfundojnë edhe 4000 legalizime të tjera”…  Vazhdoni leximin

Reklama

Sherri për një copë tokë, vret me thikë kushëririn 50-vjeçar

Koment

Dekriminalizimi duhet te filloje nga shteti i cili duke mos zbatuar Kushtetuten e ka futur jo vetem konfliktin por dhe krimin brenda familjes. Gazeta Shqiptare e datës 9.03.2015  njofton se kushëriri qëllon me thikë kushëririn për shkak të konfliktit për tokën. I aksidentuari përfundoi me vdekje. Kjo vdekje i shtohet konflikteve dhe  vdekjeve që ka shkaktuar anarkia e pronës prej kohës së ndryshimit të sistemit në vitin 1991 e deri më sot.  Pse ky numër, që kalon disa mijëra dhe është një bilanc lufte, nuk shqeteson institucionet?

Gazeta Shqiptare, 9 Mars 2015 

VLORE – Një konflikt i hershëm për tokën i ka kushtuar shtrenjtë një 50-vjeçari nga Selenica e Vlorës, i cili është qëlluar për vdekje me thikë nga kushëriri i tij. Ngjarja e rëndë ndodhi dje, rreth orës 09:00, në këtë fshat. Burime zyrtare nga Drejtoria e Policisë së Qarkut Vlorë, bënë me dije se viktima Ferdinand Mitro, gjatë një konfrontimi fizik me djalin e xhaxhait të tij, Spiro Mitro, ka gjetur vdekjen pas një goditjeje me thikë. Të njëjtat burime deklaruan se dy kushërinjtë, fqinjë me njëri-tjetrin, prej kohësh kishin konflikt për një copë tokë. Mësohet se pasi janë konfliktuar verbalisht, me sharje dhe fyerje, dy kushërinjtë janë përleshur mes tyre. Sipas bluve, dyshohet se 45-vjeçari në sherr e sipër ka nxjerrë një thikë dhe e ka goditur 50-vjeçarin, duke e plagosur atë rëndë. Ndo-nëse Ferdinand Mitro u transportua me urgjencë drejt Spitalit Rajonal të Vlorës, nuk mundi t’u shpëtonte dot plagëve të marra, të cilat i kishin prekur organet jetësore. Ndërkohë, sapo është njoftuar për krimin, policia mbërriti menjëherë në vendin e ngjarjes dhe bëri të mundur arrestimin e autorit të dyshuar. Gjatë dëshmisë së tij në polici, Spiro Mitro pohoi autorësinë e krimit. Ndër-kohë, ai ka deklaruar para oficerëve të policisë së nuk ka dashur kurrsesi ta vrasë kushëririn e tij, por vetëm ta trembë. Sakaq, forcat e Rendit, pasi kanë mbledhur dëshmitë e banorëve të zonës të cilët rezultuan dëshmitarë të krimit, po vijojnë hetimet për zbardhjen e plotë të kësaj ngjarjeje.

Vajzave të Lasgush Poradecit, ju rrëmbehet prona

Gazeta Telegraf 20/01/2015

10926466_784633728257850_932447769110079264_nJam vetë punonjëse e Ministrisë së Drejtësisë prej gati 20 vjetësh dhe nuk kam mundur ta zgjidh këtë problem

Kemi 17 vjet me këtë Urdhër në dorë por ai nuk zbatohet

Në rrjetet sociale u përhap një lajm se Poetit Kombëtar, Nderit të Kombit, Lasgush Poradeci, i është grabitur prona! Kjo pronë është  truall buzë liqenit të Pogradecit, me sipërfaqe 462 m2,  në perëndim të hotelit 1Maji, 3 m larg ndërtesës dhe përdoret si mjedis shërbimi. Të bijat Kostandina dhe Maria ndonëse kanë një urdhër ekzekutimi, ai nuk zbatohet për shkak të korrupsionit! Madje një burokrat ne Ministrinë e Drejtësisë guxoi t’iu thotë: – E kush jeni ju që t’ju kthej pronën!! – Ne jemi vajzat e Lasgush Poradecit, “Nder i Kombit’. – Punë e madhe! Unë jam… Dhe unë si qytetar pyes: Kush e qysh e ka përzgjedhur këtë të na mbrojë drejtësinë e ligjin!!! Kush e ushqen korrupsionin në Shqipëri dhe grabitjen e pronave???!!!

Ftoj qytetarët e ndërgjegjshëm, mediat dhe zyrtarët e shtetit që ta përhapin lajmin, të ndihmojnë të zbatohet ligji dhe të luftohet korrupsioni. Lidhur me këtë debat dhe ngjarje, gazeta “Telegraf” zhvilloi një bisedë me njërën nga vajzat e Poradecit, Marien.

Vazhdoni leximin

Pronat, Strasburgu gjobit qeverinë me 680 mijë euro

Gjykata për të Drejtat e Njeriut në Strasburg ka gjobitur Shqipërinë me 680 mijë euro për mos zbatim të vendimit të gjykatës për një çështje pronësie. Vendimi i Gjykatës së Strasburgut erdhi pas një ankimimi kundër dështimit të shtetit shqiptar për të zbatuar vendimet e kompensimit të pronës. Rasti në fjalë ka të bëjë me çështjen “Manushaqe Puto dhe të tjerë kundër Shqipërisë” në lidhje me ankesat për moszbatimin e vendimeve që caktojnë kompensimin.
Duke marrë në konsideratë, konkluzionet e mësipërme, Gjykata nxjerr përfundimin se nuk ka pasur mjet të brendshëm ligjor efektiv që të mundësonte kompensim të mjaftueshëm dhe të përshtatshëm për shkak të moszbatimit të zgjatur të vendimeve të komisionit që jepnin kompensim. Rrjedhimisht, ka një shkelje të Nenit 13 të Konventës.
“Manushaqe Puto dhe të tjerë kundër Shqipërisë (aplikimi 604/07, 43628/07, 46684/07 dhe 34770/09) .
Çështja kishte të bënte me një kërkesë për rishikimin e një vendimi të Gjykatës Europiane të të Drejtave të Njeriut në lidhje me ankesat për moszbatimin e vendimeve që caktojnë kompensimin.
Aplikantët janë 20 shtetas shqiptarë, të cilët jetojnë në Shqipëri. Ata të gjithë janë ankuar se pavarësisht titullit të trashëguar të pronave të tyre të njohura nga autoritetet, vendimet përfundimtare administrative për kthimin dhe kompensimin e pronës nuk janë zbatuar.
Ata e mbështesin ankesën e tyre në nenin 6 (e drejta për një gjykim të paanshëm) dhe nenit 13 (e drejta për një vendim efektiv) dhe në nenin 1 të Protokollit e Konventës (Mbrojtja e Pronës).
Në vendimin e saj të datës 31 korrik, gjykata konstatoi shkelje të nenit 13, nenit 6 dhe nenit 1 të Protokollit për shkak të mungesës së dhënies së një zgjidhjeje efektive në zbatimin e vendimit përfundimtar. Gjykata dha një vendim në favor të çdo aplikanti. Më 21 mars 2013, qeveria informoi gjykatën se ata kishin mësuar se vëllai i ankuesit në letrën nr. 34770/09 kishte vdekur më 12 korrik 2009.
Ata kërkuan rishikimin e vendimit të gjykatës bazuar në Rregulloren e Gjykatës për aq kohë sa dhënia e dëmit pasuror dhe jo pasuror në shumën e 1.360.000 euro ishte shqetësuese.
Gjykata vendosi të rishikojë vendimin e saj të 31 korrik 2012 në lidhje me zbatimin e nenit 41 të Konventës në lidhje me aplikimin nr. 34770/09 dhe i akordoi aplikantit 680,000 euro në lidhje me dëmin financiar dhe jofinanciar” thuhet në vendimin e gjykatës.

Ultimatumi i Strasburgut për qeverinë shqiptare

Buxheti shqiptar do duhet të përballojë pagesa të jashtëzakonshme, për shkak se qeveria nuk ka qenë serioze me ish-pronarët. Në korrik të këtij viti Gjykata Europiane e Njeriut në Strasburg refuzoi kërkesën e qeverisë shqiptare për “ngrirjen” e vendimeve për kompensimin e pronave.
Strasburgu i ka kthyer një përgjigje negative Shqipërisë, por më shumë se sa kosto financiare, e cila mund t’i kalojë qindra milionë eurot, në dyshim është vënë legjitimiteti dhe aftësia e qeverisë shqiptare për zgjidhjen e çështjes së pronave.
Që nga viti 1993, kur ka nisur kthimi i pronave, ka pasur me dhjetëra gjyqe në Gjykatën e Strasburgut, ku kërkohej kompensimi financiar nga qeveria shqiptare. Rasti më tipik ka qenë ai i njohur si “Manushaqe Puto kundër Shqipërisë”.
Gjykata e Strasburgut, nisur nga problematikat e njëllojta të kërkesave të qytetarëve shqiptarë, doli me një vendim pilot në vitin 2012. Ky vendim pilot do të shërbente si bazë për marrjen e të paktën 80 vendimeve të tjera kundër Shqipërisë, me një kosto financiare prej qindra milionë eurosh.
Për këtë arsye, në vitin 2013 u ra dakord me qeverinë e atëhershme që “deri më datë 17 qershor 2014, shteti shqiptar që të krijonte një mekanizëm efikas për kompensimin e pronave”, por  qeveria shqiptare tregoi paaftësi në dhënien e një zgjidhjeje ndaj kësaj çështjeje.
Rreziku për faliment nga vendimet e Gjykatës së Strasburgut në favor të qytetarëve shqiptarë për çështjet e pronave, ka shqetësuar përfaqësuesit e qeverisë shqiptare, të cilët duhet të gjenin një zgjidhje përfundimtare brenda 17 qershorit për mënyrën e kthimit dhe kompensimit të pronave për të gjithë pronarët që kanë fituar të drejtën e pronësisë me vendim gjykate të formës së prerë, jo vetëm në Strasburg. Kjo sepse pas datës 17 qershor të këtij viti do të rifillojnë të gjykohen të gjitha çështjet e depozituara deri më tani në këtë gjykatë dhe shteti shqiptar si vend pjesëtar i Konventës të së Drejtave të Njeriut duhet t’u garantojë qytetarëve të tij të drejtën e pronës, pas vendimeve që do të merren më tej. Nisur nga fakti se kostoja e kthimit dhe kompensimit të pronave është e papërballueshme nga shteti, Gjykata e Strasburgut në vitin 2012, pas vendimit të saj të fundit lidhur me çështjen “Manushaqe Puto kundër Shqipërisë”, në vendimin e saj pilot ka përcaktuar disa detyra për palën shqiptare që të realizohen deri më 17 qershor të këtij viti, duke vendosur njëkohësisht mosshqyrtimin e ankimimeve që do depozitohen pranë kësaj gjykate deri në mesin e muajit të ardhshëm nga qytetarët shqiptarë.

Arben Shahini

Unë i nënshkruari bëj me dije se prona…e armikut të popullit…

Flamur Harri

DEKLARATE – ZOTËRINJ TË TRUPIT GJYKUES
Nga Flamur Harri

Botuar në Gazetën DIELLI, më 29 tetor 2014
… Jam këtu përpara jush, unë shtetasi Flamur Sulejman Harri, i datëlindjes 24 nëntor 1945, lindur dhe banues në Elbasan, për të mbrojtur denoncimin tim në drejtim te gjyqtarit Zihni Shahu, në lidhje me gjykimin e tij për njohjen e pronës së familjes Harri.
Ju bëj me dije se prona e luajtshme dhe e paluajtshme e “armikut të popullit” Sule Harri, plus dënimit me burgim të përjetshëm, u pasua dhe me konfiskimin e pasurisë së luajtshme e të paluajtshme nga Gjykata Ushtarake më 29 dhjetor 1947.
Sot, Sulë Harri është dekretuar “Mësues i Popullit” që nga viti 1993. Në Elbasan është ndërtuar një shkollë e re që mban emrin e Sulë Harrit.
Rehabilitimi moral e politik është bërë. Problem, kemi dëmshpërblimin për 10 vjet burg Burreli, dëmshpërblim për pronën e luajtshme dhe ajo më e rëndësishmja kthimin fizik të pronës së paluajtshme . Vazhdoni leximin

Duhet të nisin hetimet për prejardhjen e pasurisë së kryekomunarëve, që janë kthyer në bejlerët e Tiranës?

Botuar në Gazetën Telegraf më 08/04/2014

Pronarë vilash, pallatesh e tokash pafund. Heshtin qeveritarë të Majtë e të Djathtë, ndërsa drejtësia nuk guxon të hetojë!

Nuk është e nevojshme që të kërkohen llogaritë bankare, pasi pasuria e kryekomunarëve që administrojnë territore rreth kryeqytetit, duket në ‘dritë të diellit’ dhe është një pasuri që do e kishin zili deri dhe sheikë të vendeve arabe. Tashmë, vila, blloqe apartamentesh, toka të shumta e të tjera pasuri, ose janë legalisht në emër të tyre, të familjarëve, ose në emër të njerëzve të tretë për maskim. Këto pasuri mund t’i gjesh fare lehtë në territore, ku komandojnë vetë këta kryekomunarë si në Komunën e Dajtit, të Farkës, Kasharit, Ndroqit etj…, por dhe në territore të tjera si në zemër të Tiranës e në bregdet. Për paradoks, shumica e tyre (për të mos thënë të gjithë), kanë në detyrën e kryekomunarit nga tre, katër apo më shumë mandate… Sipas disa publikimeve në medie e burimeve të sigurta të gazetës “Telegraf” në institucionin e Deklarimit dhe Kontrollit të Pasurisë, “qoftë dhe deklarimi i tyre zyrtar për burimet e pasurisë, normalisht nuk përligjet me të ardhurat e funksionit që ata kryejnë”. Vazhdoni leximin

RRETHI VICIOZ I ÇËSHTJES SË PRONËS

Botuar në Gazetën SHQIP nga Arjola Tola, më 7 prill 2014

Shtyrja për një vit e afatit nga Gjykata e Strasburgut për mospranimin e ankesave të reja për cenimin e së drejtës së pronës, kundër institucioneve shqiptare, është njëkohësisht lajm i mirë dhe i keq, me gjithë deklarimet kontradiktore lidhur me këtë.

Kjo shtyrje e afatit rikonfirmon edhe njëherë se situata me pronat ka mbetur kaotike dhe, përpjekjet e deritanishme për ta zgjidhur atë kanë dështuar. Ajo rikonfirmon atë çfarë në mënyrë permanente, nga viti 2005 thonë progres-raportet e BE-së për pronat. Gjithashtu rikonfirmon atë me të cilën përballet çdo shqiptar, të cilit i është dashur të merret qoftë edhe njëherë të vetme me çështje pronësie. Ndërkohë, fakti që kjo vjen përsëri në vitin 2014 nga një institucion i këtij niveli, e bën këtë një lajm të keq. Vazhdoni leximin

Kthimi i pronës do të përcaktojë futjen e Shqipërisë në rrugën e demokracisë

Letër publike drejtuar kryeministrit z. Edi Rama dhe kryetarit të opozitës  z. Lulzim Basha, nga Loro STAJKA

Botuar në Gazetën Telegraf më 16/02/2014

Zotërinj të nderuar, ju drejtohem me këtë letër publike pasi janë momentet decizive që ju të reflektoni për të mos shkuar në batakun e politikave antishqiptare. Quhem Loro Stajka, mua diktatura e Enver Hoxhës në vitin 1954 me detyroi të arratisem dhe prej vitesh jetoj në Virginia, të SHBA dhe jam shtetas me pasaportë amerikane. Kam qenë dhe mbetem shqiptar, por SHBA është atdheu im i dytë. Lexoj në internet çdo ditë shtypin dhe zhvillimet në Shqipëri. Ndjek me interes shkrimet që publikon siti i shoqatës së pronarëve si dhe artikujt e gazetave të ndryshme për pronën. Më brengos fakti se shteti e quan veten pronar të pronave të grabitura nga diktatura. Ministri i Bujqësisë zoti Edmond Panariti, sapo deklaroi se shpejt do t’i japim tapi fermerëve sipas ligjit 7501. Tokën e kujt do japi me tapi ky ministër apo kjo qeveri! Vazhdoni leximin

Më në fund, ish- Kryeministri Sali Berisha pranoi: “me ligjin 7501 gabuam”

Nga Seri Allushi
Botuar në Gazetën Telegraf më 14/02/2014

Ish- kryeministri Sali Berisha në një intervistë në emisionin “Studio e hapur” të gazetares Eni Vasili deklaroi se me Ligjin 5701 për ndarjen e tokës me normën për frymë, pas shpërbërjes së kooperativave,  GABUAM! Ai  tha shprehimisht:  “Kam përgjegjësi  për situatën me pronat. S’duhej firmosur ligji 7501. Nuk kam frikë nga hetimi. Më tej ai u shpreh:  “Pa diskutim, kush e votoi ligjin 7501, unë isha atëherë  kryetar i PD-së, përgjegjësia bazë fillon me ligjin e tokës. Ligji i tokës u votua në shkelje të hapur me parimet e të drejtës së pronës …….”. Vazhdoni leximin

Krimi i organizuar dhe korrupsioni fshihen pas problemit të pronës

Letra e Pronarëve të Dukatit, drejtuar z. Hanes Svoboda, anëtar i Parlamentit Europian dhe Mag. Thomas Schnöll, Ambasador i Austrisë në Shqipëri

Botuar në Gazetën Telegraf më 07/02/2014

Duke mos gjetur zgjidhje për të drejtën e pronësisë, edhe pse shumë e qartë në Kushtetutë, pronarët, gjithnjë e më shumë, kërkojnë nga ndërkombëtarët zgjidhjen e këtij problemi që ka çuar Shqipërinë në vëllavrasje. Pronarët mendojnë se, nëse ndërkombëtarët flasin me një zë dhe ushtrojnë presionin e duhur te qeveria shqiptare, vetëm atëherë do të gjendet zgjidhja për të drejtën e pronësisë dhe vetëm atëherë do të kemi demokraci dhe prosperitet të vendit tonë. Në këtë frymë është e ndërtuar dhe letra e Pronarëve të Dukatit, Qarku Vlorë, drejtuar z. Hanes Svoboda, anëtar i Parlamentit Europian dhe Mag. Thomas Schnöll, Ambasador i Austrisë në Shqipëri. Vazhdoni leximin