KËRKESAT

Kërkesa jonë kryesore është zbatimi i neneve 181 dhe 41 të Kushtetutës dhe kthimi i pronave të konfiskuara gjatë regjimit komunist pronarëve të ligjshëm.

Kërkesat tona për qeverinë shqiptare dhe organizmat ndërkombëtarë pasqyrohen në dokumentat e mëposhtme:

  1. Kërkesë drejtuar politikanëve dhe Parlamentit: Projektligj propozuar nga shoqatat “Pronësi me drejtësi” dhe “Bregdeti” për një zgjidhje përfundimtare të problemit të të drejtave pronësore në Shqipëri, konform kërkesës së neneve 181 dhe 41 të Kushtetutës. Lexo projektligjin dhe shpjegimet
  2. Kërkesë drejtuar Qeverisë: Peticion drejtuar kryeministrit, z. Edi Rama, “KTHIM I PRONËS PRONARËVE TË LIGJSHËM, TANI!” Ndihmo duke nënshkruar Peticionin
  3. Kërkesë drejtuar Bashkimit Evropjan: Ftesë që të kushtëzojë çdo bashkëpunim me Qeverinë shqiptare me respektimin e neneve 181 dhe 41 të kushtetutës, dmth. respektim të të drejtave të pronësisë të pronarëve të ligjshëm. Lexo letrën drejtuar komisjonerit S. Füle më 25 mars 2013
  4. Kërkesë – pozicionim i shoqatave drejtuar Gjykatës Europjanë të të Drejtave Njerzore në kuadrin e monitorimit të moszbatimit të vendimeve të Strasburgut nga Qeveritë shqiptare. Lexo këtu letrën anglisht
  5. Pozicionim i shoqatave drejtuar Këshillit të Europës. Lexo “Position paper” anglisht

Më poshtë paraqesim një përmbledhje të disa prej kërkesave kryesore, urgjente, drejtuar autoriteteve shtetërore shqiptare si dhe çdo organizmi tjetër, kombëtar e ndërkombëtar të implikuar në çështjen e pronave:

  • Zbatim i nenit 181 të Kushtetutës, i cili, në përputhje me nenin 41, iu njeh të drejtën e pronësisë pronarëve të ligjshëm të shpronësuar padrejtësisht nga regjimi komunist dhe i kërkon Parlamentit, brenda 3 vitesh nga hyrja në fuqi e Kushtetutës (dmth deri në tetor 2001!) të adoptojë legjislacionin për kthimin e pronave të konfiskuara! Kthimi i pronave është urgjent dhe duhet bërë TANI dhe jo ndoshta në 2020…. siç e servir Qeveria në “strategjinë” e saj
  • Respektim i të njejtave standarte për kthimin i pronës në të gjithë vendin: pronarët e ligjshëm në Tiranë, Bregdet dhe në qendrat kryesore gëzojnë të njejtat të drejta si pronarët e ligjshëm në malësi apo në fshat
  • Stop korrupsionit me pronat e pronarëve të ligjshem ! Stop vrasjeve e gjakmarrjeve për prona që janë pasojë direkte e moszbatimit të detyrimeve kushtetuese për kthimin e pronave të konfiskuara nga regjimi komunist pronarëve të ligjshëm
  • Kthimi i pronave ka perparesi mbi çdo lloj legalizimi
  • Kthimi fizik i pronës ka përparësi mbi  kompensimet
  • Kompensimi financiar (në pamundësi kthimi) bëhet sipas vlerës së tregut
  • Krijoni kapacitete të përshtatshme institucionale për të zgjidhur kthimin e pronës
  • Përmbushni kërkesat e Gjykatës Evropjane të Drejtave të Njeriut (vendimi pilot i korrikut 2012). Përmbushni kushtet për integrim Evropian (2 nga kushtet lidhen me zgjidhjen e kthimit të pronave) !

Strategjitë qeveritare që nuk marrin parasysh e nuk zgjidhin këto kërkesa elementare po të rëndësishme, nuk kanë për qëllim zgjidhjen e këtij problemi 20 vjeçar por kërkojnë justifikimin dhe “legalizimin” e grabitjeve dhe të korrupsionit me pronat.

Kërkesat e pronarëve të ligjshëm i referohen pronave të cilat u konfiskuan nga regjimi komunist pas 1945. Njohja e të drejtës së pronësisë për pronarët e ligjshëm rrjedh nga angazhimet ndërkombëtare të shtetit të ri demokratik shqiptar dhe është bërë që në fillim të viteve ’90 (ligji 7698 i 1993 amenduar nga ligji 9235 i 2004 dhe Kushtetuta e re e 1998). Megjithatë, në pamundësi për të rimarrë posedimin fizik të pronës, e drejta e pronësisë ka mbetur fjalë boshe për shumë pronarë të ligjshëm. Faktikisht, abuzime të rënda janë bërë dhe vazhdojnë të bëhen me pronat e tyre, kryesisht ato që gjinden në vende turistike dhe qendra të rëndësishme ekonomike. Këto abuzime bëhen me mbështetjen e përfaqësuesve të shtetit të cilët, rregullisht, e kanë trajtuar këtë problem si mjet pasurimi personal.

Korrupsioni me pronat shkakton plagë të rënda sociale: mbi 6’000 vrasje/gjakmarrje raportohen si pasojë direkte e tij. E drejta e pronës private është një nga themelet e shtetit demokratik. Sa kohë që nuk zgjidhet drejt ky problem, sa kohë që nuk eliminohet një herë e përgjithmonë korrupsioni në trajtimin e të drejtave të pronësisë, Shqipëria nuk mund të hyjë në rrugën e mirëfilltë të demokracisë, në të cilën populli shqiptar shpreson të hyjë.

Mbrojtja e të drejtave të pronarëve legjitimë është mbrojtje e identitetit shqiptar, është luftë kundër korrupsionit, është përpjekje drejt vendosjes së drejtësisë dhe integrimit europian.

Më shumë informacion:

Reklama

Postimet Më të Fundit

Nga Kreshnik Spahiu/ 20 fakte juridike, pse turizmi 30 vjet u “dhie nga Koka” dhe jo nga Kokëdhima!

Video horror e Kokëdhimës duke sulmuar turistët spanjoll nuk është rastësi dhe as çmenduri është frut i “pemës” turistike që kemi mbjell 30 vjet.

Ndryshe nga shumë komentues kam bindjen dhe informacionin e nevojshëm që turizmi apo bregdeti shqiptar nuk u shkatërruan nga “Kokdhima” por nga kokat që qeverisën 30 vjet Shqipërinë dhe duke u afruar çdo kënd në debat ju ftoj të gjykoni mbi këto fakte:

1- Ligji i Pronave 7501 jo që nuk i dha zgjidhje të drejtës pronës por shtyu shoqërinë drejt pushtimit, kaosit apo dhunimit të pronave private dhe publike

2- Ligji legalizimeve zyrtarizoi dhe legalizoi pushtuesit e pronave, trojeve dhe pyjeve në bregdet.

3- Ligji urbanistikës ku nuk lejoheshin ndërtime 200 metra afër vijës bregdetare nuk u zbatua kurrë.

4- Ligji i dhēnies fshatrave turistikë për 25 vite me konçesion: masakroi pronat publike dhe bregdetin duke transformuar idenë e hoteleve dhe resorte në banesa që shiteshin pa çertifikatë pronsie

5- Ligji për investimet e huaja jo që nuk afroi por largoi çdo investitor të huaj nga Shqipëria sepse nuk favorizonte aspak futjem e investimeve në bregdet.

A ju kujtohen fshatarët e Kakomesë që dolën në protesta me kazma dhe lopata kundër kompanisë më të fuqishme në Europë?

Shikoni si janë karandisur sot.

Kompania u largua dhe ka përfunduar Porto Montenegron në Malin e Zi, ndërsa katundarët e Kakomesë as lopata s’kanë më sepse gjiri është shndëruar në gërmadhë.

Po rrahjen barbare të biznesmenit Libian që po ndërtonte tek Gjiri Lalzit a ju kujtohet që e larguan me avion spitalor me 22 fraktura thyerjesh kockash?

As nami dhe  as nishani nuk i ka mbetur por vilat e Sali Berishës dhe fshatrat e tij vazhdojnë hedhin shtat. Pishat sharrohen çdo ditë duke betonizuar bregun

A e dini se kompania spanjolle e hotelerisë “Ibero Star” ka mbushur gjithë bregdetin Adriatik, Jon, Dalmat dhe Mesëdhe me hotele në Kroaci, Greqi, Mali i Zi por vetëm në Shqipëri nuk shkel?

A e dini se një turist gjerman të udhëtoj nga Berlini në Shkup i kushton 23 euro bileta, ndësa të fluturojë në Tiranë kushton 500 euro?

A e dini që dhe Ohri apo Budva nga 40.000 banorë të dyja kanë Aeroporte dhe Shqipëria i vetmi vend në Europë me 1 Aeroport?

A e dini që Shqipëria ka detin më të vdekur në botë sepse me ligjin e Moratoriumit mjereve detare nuk lejohen anijet apo mjere lundruese private?

A e dini që Shqipëria është i vetmi shtet në botë që ska një traget në pronsi të tij?

A e dini që 80% e fshatrave turistikë janë lavatriçe parash e mafies politike dhe janë vënë në emrat e shoferave dhe kushërinjve të ministrave?

A e dini që Shqipëria është me statistika i vetmi shtet në botë që në vijēn bregdetare nuk egziston një resort i huaj turistik?

A e dini se Shqipëria është i vetmi vend Europian që yjet në Hotel i vendos pronari aipas qefit dhe jo sipas standarteve?

A e dini që prej 30 vitesh çdo qeveri fillon punimet në rrugë dhe infrastrukturë vetëm kur fillon sezoni turistik dhe jo jo gjatë dimrit?

Nëse i jepni përgjigje këtyre fakteve do bindeni se Shqipërinë e dhjeu koka dhe JO Kokëdhima.

  1. Strasburgu pohon ‘qasjen e papërshtatshme’ të qeverisë shqiptare me pronat Nga Gazeta Telegraf – 31 Gusht, 2018 Lini një Përgjigje
  2. Pronat te nisin nga origjina Nga Prof. dr. Agim Binaj Lini një Përgjigje
  3. Buxheti 15 miliardë lekë për pronarët, ja 5 mijë përfituesit në të gjithë vendin Lini një Përgjigje
  4. Ligji i ri: Legalizimet, pronat dhe hipotekat, një drejtori Publikuar më 31.07.2018 36 Përgjigje
  5. Prona e pronarëve, detyrim kushtetues i pushtetarëve Lini një Përgjigje
  6. Ligji 133/2015 mashtron pronarët e vërtetë Lini një Përgjigje
  7. Turizmi vazhdon të sabotohet Lini një Përgjigje
  8. Gezim Boçari – Vendimet e Strasburgut për pronat të zhdëmtohen nga zyrtartët e gjyqatrët Lini një Përgjigje
  9. Prof, Dr. Gezim Boçari – Vetingu të fillojë nga ligjet antipronar. Kërkesë publike për gazetarët Lini një Përgjigje