Pronat shkojnë në Venecia, Kushtetuesja kërkon opinion ndërkombëtar

Botuar në Gazetën MAPO, 21 qershor 2016

Komisioni i VeneciasGjykata Kushtetuese ka dërguar ligjin e pronave për opinion në Komisionin e Venecias. Ajo kërkon të dijë nëse ligji i ri është sipas standardeve të këshillit të Europës

Ligji i pronave mbërrin në Komisionin e Venecias. Gjykata Kushtetuese pas më shumë se dy muajsh diskutime të brendshme ka vendosur t’i drejtohet Komisionit të Venecias për një opinion më të specializuar lidhur me ligjshmërinë e tij dhe përputhjen me standardet Këshillit të Europës.

Një fakt të tillë e ka bërë të ditur dje Maksim Begeja, një nga përfaqësuesit e Partisë Republikane, ndërkohë që burime nga Gjykata Kushtetuese nuk e  kanë mohuar një gjë të tillë, ndërsa kanë theksuar se si procedurë një gjë e tillë bëhet e mundur në bazë të një marrëveshjeje që kjo gjykatë ka me Këshillin e Europës.

Në fakt kjo nuk është hera e parë që Gjykata Kushtetuese përpara se të vendosë të kërkojë një opinion paraprak nga Komisioni i Venecias.

Një gjë e tillë ka ndodhur edhe për një tjetër çështje të nxehtë, siç ishte disa vite më parë ajo e ligjit të lustracionit dhe të cilin  më pas Gjykata Kushtetuese e rrëzoi.

Dërgimi i ligjit të pronave në Venecia tregon se mes vetë anëtarëve të Gjykatës Kushtetuese ka një ndarje gati të barabartë mes atyre që duhet ta rrëzojnë dhe atyre që i kundërshtojnë kërkesat e paraqitura nga disa forca politike, PD, PR, shoqatat e pronarëve dhe Presidenti i Republikës.

Të gjitha këto subjekte në kërkesat e tyre kanë ngritur thuajse të njëjtat pretendime duke sjellë në vëmendje të Gjykatës se ligji në tërësinë e tij, cenon parimet bazë kushtetuese të sigurisë juridike, barazisë para ligjit, zhbën konceptin e ekonomisë së tregut si dhe bie ndesh me vendimet e Gjykatës Kushtetuese dhe standardin e vendosur nga Gjykata Europiane e të Drejtave të Njeriut.

Sipas, tyre çështja e pronës është e një rëndësie madhore për qytetarët shqiptarë dhe ka impakt të drejtpërdrejtë në të gjitha aspektet e përparimit të vendit, çka e reflekton qartë edhe përcaktimi i saj si një nga pesë prioritetet kyçe për hapjen e negociatave të anëtarësimit të vendit tonë në Bashkimin Europian.

Ndërkohë që pak javë më parë, Gjykata Kushtetuese vendosi që të rrëzojë kërkesën e këtyre subjekteve për të pezulluar zbatimin e ligjit deri në marrjen e një vendimi përfundimtar mbi kushtetueshmërinë e tij.

Por duket se pavarësisht këtij elementi, gjyqtarët kushtetues janë në dilemë sa i përket kushtetushmërisë së këtij ligji dhe raporteve të tij me standardet europiane.

Ndërkohë që duket se nga ana tjetër edhe qeveria i trembet një vendimi negativ në raport me ligjin e saj, pasi pas pak ditësh ajo ka nisur në masë të madhe miratimin e dosjeve që përfitojnë kompensim financiar.

Me këtë veprim ajo kërkon të minimizojë sado pak faturën financiare që ka problemi i pronave në vend. Ligji i miratuar dhe që është objekt gjykimi në Kushtetuese ndryshoi formulën e vlerësimit të pronës duke mos marrë në konsideratë gjendjen aktuale të saj por atë të kohës kur edhe a është sekuestruar apo shpronësuar nga qeveria komuniste.

Pra thënë ndryshe, për një pronë e cila sot gjendet në mes të Tiranës kompensimi i pronarit nuk do të bëhet si një pronë truall por si një pronë bujqësore ose livadh siç edhe ka qenë gjendja në kohën e marrjes së tokës nga qeveria komuniste.

Kjo uli ndjeshëm faturën financiare të çështjes së pronave ndërsa qeveria e konsideroi atë si zgjidhjen e vetme për t’i dhënë fund problemit të pronave në vendin tonë. Gjithashtu ligji prekte të gjitha vendimet e dhëna nga AKKP por të pa ekzekutuara.

Advertisements
Ky zë u postua te Uncategorized dhe u etiketua me , nga defendingproperty. Faqeruani permalidhjen.

Rreth defendingproperty

Përmes www.defendingproperty.com shoqatat "Pronësi me drejtësi" dhe "Bregdeti" synojnë të sensibilizojnë shoqërinë civile shqiptare dhe ndërkombëtare dhe donatorët e miqtë e Shqipërisë mbi problemin e pronave dhe kërkesat tona për zgjidhjen e tij: kthim i menjëhershëm i pronave të konfiskuara nga komunizmi pronarëve të ligjshëm dhe mirëadministrim i të drejtave të pronësisë. Kthimi i pronave dhe respektimi i të drejtës themelore të pronësisë private janë nga premtimet kryesore të shtetit të ri demokratik shqiptar të fillimit të '90. Deri më sot ky angazhim nuk është realizuar. Përkundrazi, politikanët e të dyja anëve kanë abuzuar me pronat dhe i kanë përdorur si burim pasurimi personal ose klanor, ndër të tjera për të siguruar vota. Zgjidhja e këtij problemi 20 vjeçar kondicionohet nga funksionimin korrekt i shtetit ligjor dhe mposhtja e korrupsionit; zgjidhja do t'i hapë rrugën investimeve serioze dhe është një nga kushtet kryesore për integrim evropian. Me qindra raste janë dërguar para Gjykatës Europiane të të Drejtave Njerëzore dhe Gjykatave shqiptare. Në sit do të gjeni dokumentet tona kryesore si dhe KËRKESAT TONA URGJENTE PËR AUTORITETET SHQIPTARE https://defendingproperty.com/our-position/shqip/

2 mendime mbi “Pronat shkojnë në Venecia, Kushtetuesja kërkon opinion ndërkombëtar

  1. Me pergjigjen qe ka kthyer Komisoni i Venecias, ka justifikuar vjedhjen e pronave dhe transferimet e paligjeshme te perjudhes postkomuniste. Venecies i eshte kerkuar opinion per nenet e ligjit 133,por ai pergjigjet se vendimet e marra per kompensim duhet te zbatohen dhe nese zbatohen vendimet e marra kjo nuk bie ndesh meKushtetuten.Argumentave qe kane paraqitur shoqatat, nuk jane shqyrtuar fare nga Komisioni i Venecies, osesepaku nukeshte pasqyruar asnje fjale e tyre ne pergjigje. Dyjuristet qekane shqyrtuar kerkesen lene te hapur justifikimin duke thene se besojne se kjo platforme mund ta zgjidhi problemin. Ata luajn rrolin e analfabetit funksional dhe bejne sikur nuk kuptojne nenin 181 te Kushtetutes. Perfundimish Venecia justifikohet duke e shkakrkuar detyrimin moral dhe juridik tek Gjykata Kushtetuese . Gezim Boçari

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google+

Po komentoni duke përdorur llogarinë tuaj Google+. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s