Botuar në Gazetën Telegraf, 25 mars 2016

Seri Allushi, Pronar autokton , Dukat, Vlore,

Kush gabon: Gjykata Kushtetuese e Shqipërisë që len në fuqi ligjin antikushtetues 7501 apo GJEDNJ në Strasburg, që i jep të drejtën e pronës pronarëve qe e trashegojne?

“Për shkak të ligjit 7501, I cili është në kundërshtim me Kushtetutën , por edhe me Konventën Europiane të të Drejtave të Njeriut për Pronën, mijëra pronarëve u është mohuar e drejta e pronës dhe për këtë shkak deri më sot janë vrarë me njëri tjetërin mbi 8000 Shqipëtarë. Ndërkohë Gjykata Kushtetuese e ngarkuar ligjërisht për mbrojtjen e Kushtetutës nuk ndërhynë.për zgjidhjen e këtij ngërci. Në këto kushte pronarët trashëgimtarë të pronave në shekuj I drejtohen për drejtësi Gjykatës Europiane të të Drejtave të Njeriut në Strasburg.

Por, pse duhet që pronarët Shqipëtarë ta gjejnë të drejtën e tyre në Gjykatën Evropiane për të Drejtat e Njeriut, në Strasburg ? Pse Gjykata Kushtetuese nuk u jep pronarëve të drejtën sipas Kushtetutës dhe Konventës Europiane për Pronën e ratifikuar nga Kuvendi I Shqipërisë ?, Kush gabon në këtë rast me dhënien e së drejtës së pronës Gjykata Kushtetuese e Shqipërisë që len në fuqi ligjin antikushtetues 7501 apo GJEDNJ në Strasburg, e cila vetëm me një vendim të diteve të fundit e dënon Shtetin Shqipëtar të paguaj 10,7 milionë euro për çështjen e pronave ? . Është kjo gjobitje e radhës arësyeja që Qeveria Shqipëtare u mblodh sot me urgjencë dhe publikoi se do të shpërndaje si kompensim një sasi toke fizike e një shumë të hollash, ndërkohë që ligji përkatës është kundërshtuar nga grupet e interesit dhe nga Presidenti I Republikës dhe është dërguar në Gjykatën Kushtetuese për tu anulluar’.

Për shtetin me të varfër në Europë, 10.7 milionë Euro janë një shumë e madhe, sepse janë para të marra borxh nëpër botë ose të grumbulluara nga taxapaguesit shqipetarë. Kjo shumë do të paguhet si gjobë në vënd që të përdoren për përmirësimin e jetës së Shqipëtarëve te varfër që po ikin përditë nëpër botë ! Kjo është një gjobë që Shteti shqipëtar me një ligj absurd ka gjobitur vetveten, sepse pasi ratifikoi në Kuvënd Konventën Europiane të të drejtave të njeriut për pronën , si dhe pasi miratoi me Referendum kushtetutën e Republikës, sipas të cilave prona duhej tu kthëhej pronarëve që e trashëgonin, për cudi dhe korrupsion nxori ligjin 7501 dhe tokën e ndau me parimin komunist, sipas frymëve të populates qe banonte ne fshat !. Kjo nuk ishte nje reformë sociale,sic kërkojnë të justifikohen ata që drejtojnë politikën Shqipëtare, sepse sipërfaqja e tokës bujqësore në vitin 1990 ishte dyfishuar ( 700 mijë Ha kundrejt 390 mijë qe ishte ne vitin 1945), por ishte nje mendesi komuniste qe me pas do ushqente korrupsionin. Megjithëse ka vite që Europa dhe DASH i rekomandojnë Qeverisë dhe ligjvënësve Shqipëtare që ta zgjidhë këtë paradox me pronën, Qeveria, sajon lloje lloje zgjidhjesh absurde dhe për kokëfortësi, për vota dhe për korrupsion , nuk e zgjidh. Prandaj GJEDNJ Strasburg pervec disa milionave Euro gjobë te mëparëshme, së fundi, i vendos edhe 10.7 mln Euro të tjera dhe kjo vetëm për 6 dosje. Por në Strasburg janë edhe mbi 400 dosje të tjera që janë pranuar dhe presin te gjykohen e do të shkojnë edhe mijëra dosje të tjera për gjykim dhe detyrimet e gjobat do shkojnë në miliarda.“ Për tetë çështje të fituara nga pronarët e Shqipërisë në Gjykatën e Strasburgut, qeveria duhet t’i kompensojë ata me 37 milionë Euro. Në një raport të posaçëm për Shqipërinë, FMN deklaron se “pretendimet për kompesimin e ish-pronarëve janë sa 70% e Prodhimit Kombëtar te Shqiperise, që në vlerë i korrenspondon një shifër prej 8 miliardë euro”. Rrjedhimisht shtetit shqipëtar do ti duhet të shesë përvec fushave dhe maleve edhe detin për të shlyer MOSZBATIMIN E KUSHTETUTËS për kthimin e pronave pronarëve që I trashëgojnë.

Gjykata Kushtetuese ka sot në tavolinë kundërshtimin e Ligjit të prodhuar e miratuar nga Qeveria e Kuvëndi i Shqipërisë, “Për trajtimin dhe kompensimin e Pronës”, i cili jo vetëm nuk zgjidh asgjë, por e fut problemin e kthimit të pronës në një rrugë pa krye, popullin e fut në vllavrasje , shtetin e zhyt në gjoba e borxhe- Pra është një ligj turpi i atyre që e ideuan dhe e miratuan. Prandaj i bëjmë thirrje që për hir të së drejtës legjitime të pronarëve të vërtetë e të brezave paraardhës të tyre, për hir të së ardhmes së shtetit e të popullit Shqipëtar, Gjykata Kushtetuese të shqyrtojë cështjen me përgjegjësi Juridike, duke injoruar ndërhyrjet e drejtuesave aventurjere të politikës Shqipetare dhe duke iu referuar të drejtës ndërkombëtare për pronën dhe neneve përkatëse të kushtetutës dhe ti japin fund kësaj maskarade 25 vjecare.