Shoqatat e ish-pronarëve japin alarmin, deputetë të PS dhe PD po vjedhin tokat në bregdet me dokumente false, betejë të re me qeverinë në Strasburg

Botuar në Sot, 16 gusht 2015

Shoqatat e ish-pronarëve japin alarmin, deputetë të PS dhe PD po vjedhin tokat në bregdet me dokumente false, betejë të re me qeverinë në Strasburg
Shoqatat e ish-pronarëve kanë dhënë alarmin për një fushatë të re grabitjesh pronash në bregdet. Krerët e shoqatave thanë se zyrtarët e lartë të PD dhe PS po bëjnë kërdinë me pronat në zonat me përparësi turizmin. Me dokumente false dhe me anë të personave të tjerë deputetë të PS dhe PD po përvetësojnë dhe po tjetërsojnë qindra-mijëra hektarë tokë.
 
I kontaktuar nga gazeta “Sot” , kreu i Shoqatës “Pronarët e Myzeqesë”, Stavri Semanjaku, deklaroi dje se pronat në bregdet po vidhen me shumicë nga politikanët dhe persona me dokumente false bëhen pronarë në tokë të të tjerëve. Në kërdinë e vjedhjes së tokave me përparësi turizmin, Semanjaku, përfshinë edhe Agjencinë e Kthimit dhe Kompensimit të Pronave. Kryetari i shoqatës “Pronarët e Myzeqesë”  nënvizoi se dhënia e tokës me 1 euro në zonat me përparësi turizmin ka qenë një proces shkatërrues i pronësisë në bregdet.
“Me pronat po bëhet kërdia. Pronat në bregdet janë vjedhur dhe po vidhen me shumicë nga politikanët nëpërmjet asaj që quhet Agjencia e Kthimit dhe Kompensimit të Pronav, por që sipas meje ajo është agjencia e vjedhjes së pronave. Qeveria e kaluar dhe gjithë qeveritë e tjetra kanë mbështetur hajdutët e pronave. Deputetë të djathtë dhe të majtë po testojnë pronat. Nëpërmjet këtyre hajdutëve, që janë miqtë e tyre, kanë përfituar me 1 euro prona në bregdet dhe janë njohur pronarë me dokumente false njerëz, miq të zyrtarëve. Edhe pse pronarët protestojnë askush nuk i dëgjon”, deklaroi dje për gazetën “Sot”, kreu i Shoqatës “Pronarët e Myzeqesë”, Stavri Semanjaku. Këtë fakt e deklaroi edhe kryetari i shoqatës “Borshi”, Ylber Hysi. Sipas kreut të kësaj shoqate, gjithë tokat e Borshit në Sarandë, janë vjedhur nga deputetët. “Borshin e kanë shitur komplet politikanët”, deklaroi Hysi.
Ligji në Strasburg
Edhe pse ligji pas miratimit në Kuvend mund të kalojë në Gjykatën Kushtetuese për të parë përputhshmërinë e tij me nenet, krerët e shoqatave nuk kanë besim as në këtë organ. Kryetari i shoqatës “Pronarët e Myzeqesë”, Stavri Semanjaku, deklaroi dje se nëse Gjykata Kushtetuese e miraton ligjin e qeverisë për kthimin dhe kompensimin e pronave në formën që është aktualisht, ata do ta ankimojnë në Gjykatën e të Drejtave të Njeriut në Strasburg. “Ne kemi deklaruar se nëse qeveria vazhdon të këmbëngulë me kokëfortësi në këtë ligj, ne do ta çojmë në Gjykatë Kushtetuese. E dimë që Gjykata Kushtetuese në shumicën e rasteve është gjykatë politike dhe do të përkrah qeverinë dhe jo pronarët. Nëse Gjykata Kushtetuese e kalon këtë ligj në formën e propozuar nga qeveria, ne do ta çojmë në Strasburg”, theksoi Semanjaku. Ligji i ri për kthimin dhe kompensimin e pronave është kundërshtuar jo pak nga shoqatat e pronave. Ky ligj është prezantuar nga vetë kryeministri që ka deklaruar se bën drejtësi me pronat. Në këtë prezantim ishin të ftuar edhe kryetarët e shoqatave por që braktisën prezantimin në shenjë proteste pasi propozimet e tyre nuk janë marrë parasysh në draftligjin për pronat.  Erneta Shevroja

– See more at: http://www.sot.com.al/politike/shoqatat-e-ish-pronar%C3%ABve-japin-alarmin-deputet%C3%AB-t%C3%AB-ps-dhe-pd-po-vjedhin-tokat-n%C3%AB-bregdet-me#sthash.royFjr4f.dpuf

 

Advertisements
Ky zë u postua te Uncategorized nga defendingproperty. Faqeruani permalidhjen.

Rreth defendingproperty

Përmes www.defendingproperty.com shoqatat "Pronësi me drejtësi" dhe "Bregdeti" synojnë të sensibilizojnë shoqërinë civile shqiptare dhe ndërkombëtare dhe donatorët e miqtë e Shqipërisë mbi problemin e pronave dhe kërkesat tona për zgjidhjen e tij: kthim i menjëhershëm i pronave të konfiskuara nga komunizmi pronarëve të ligjshëm dhe mirëadministrim i të drejtave të pronësisë. Kthimi i pronave dhe respektimi i të drejtës themelore të pronësisë private janë nga premtimet kryesore të shtetit të ri demokratik shqiptar të fillimit të '90. Deri më sot ky angazhim nuk është realizuar. Përkundrazi, politikanët e të dyja anëve kanë abuzuar me pronat dhe i kanë përdorur si burim pasurimi personal ose klanor, ndër të tjera për të siguruar vota. Zgjidhja e këtij problemi 20 vjeçar kondicionohet nga funksionimin korrekt i shtetit ligjor dhe mposhtja e korrupsionit; zgjidhja do t'i hapë rrugën investimeve serioze dhe është një nga kushtet kryesore për integrim evropian. Me qindra raste janë dërguar para Gjykatës Europiane të të Drejtave Njerëzore dhe Gjykatave shqiptare. Në sit do të gjeni dokumentet tona kryesore si dhe KËRKESAT TONA URGJENTE PËR AUTORITETET SHQIPTARE https://defendingproperty.com/our-position/shqip/

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google+

Po komentoni duke përdorur llogarinë tuaj Google+. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s