Del në shitje posta kufitare “Katund” në Gjirokastër, 23 blerës janë grekë!

Gazeta Telegraf, 08/03/2015

pika kufitare Gati vendimi për shitjen e gjithë postave kufitare tokësore e bregdetare

Prej 25 vitesh, në Shqipëri ka ndodhur gjithçka që ka cenuar interesat e vendit, integrimin e tij dhe që ka shkatërruar jetën e popullit. Por nuk ishte menduar kurrë se shteti do të shiste edhe kufirin shtetëror. Pas 25 vjetësh hapje kufiri me vendet fqinje, ka nisur edhe shkulja fizike e kufirit shqiptar jugor, bërë me urdhër të shtetit shqiptar! Ndërsa piramidat e vijës kufitare në jug, në lindje e në veri të kufirit shqiptar janë rrëzuar përtokë, janë katandisur në “masa betoni” pa simbolet kombëtare e shenjat kufizuese të shtetit shqiptar, janë zhdukur përrenjve e shkurreve, ose janë thyer për skrap, tani ka nisur dhe zhdukja e krejt objekteve fizike të shërbimit kufitar. Një lajm nga zyrat e shtetit, publikuar nga Ministria e Financave në faqen e ankandeve të Buletinit Nr. 8, datë 2 mars 2015, njofton se në datën 10 mars 2015, shteti shqiptar ka nxjerrë në shitje Postën Kufitare në zonën kufitare “Katund” në Gjirokastër, me sipërfaqe trualli ndërtese 800 metër katrorë. Postën kufitare shtetërore shqiptare, sipas ligjit dhe njoftimit të Ministrisë së Financave, mund ta blejë çdo person i interesuar për blerje me ankand, mjafton të paraqitet në vendin dhe orën e njoftuar të shitjes. U interesuam dhe mësuam, se për blerjen e kësaj Poste Kufiri, 300 metër objekt dhe 500 metër truall me vlerë fillestare shitjeje 3500 euro, deri tani janë interesuar 23 shtetas grek  dhe… asnjë shqiptar. E nëse blerësi do të jetë grek, natyrisht që mbi godinën e blerë të postës së kufirit shqiptar, do të gëzojë të drejtën të valëvisë flamurin grek, mbasi sipas ligjit mbi të drejtën e pronës, ai ka truallin dhe objektin pasuri të tij. Sipas burimeve tona, ka një plan që të shiten gjithë postat kufitare në kufirin tokësor Sarandë, Gjirokastër, Leskovik, Përmet, Ersekë, Korçë, Pogradec, Peshkopi, Kukës, Tropojë, Shkodër, si dhe të gjithë postat kufitare policore e ushtarake tokësore në kufirin Sarandë-Vlorë-Seman-Divjakë.


Copyright © 2012 Gazeta Telegraf. All rights reserved.

Advertisements
Ky zë u postua te Uncategorized nga defendingproperty. Faqeruani permalidhjen.

Rreth defendingproperty

Përmes www.defendingproperty.com shoqatat "Pronësi me drejtësi" dhe "Bregdeti" synojnë të sensibilizojnë shoqërinë civile shqiptare dhe ndërkombëtare dhe donatorët e miqtë e Shqipërisë mbi problemin e pronave dhe kërkesat tona për zgjidhjen e tij: kthim i menjëhershëm i pronave të konfiskuara nga komunizmi pronarëve të ligjshëm dhe mirëadministrim i të drejtave të pronësisë. Kthimi i pronave dhe respektimi i të drejtës themelore të pronësisë private janë nga premtimet kryesore të shtetit të ri demokratik shqiptar të fillimit të '90. Deri më sot ky angazhim nuk është realizuar. Përkundrazi, politikanët e të dyja anëve kanë abuzuar me pronat dhe i kanë përdorur si burim pasurimi personal ose klanor, ndër të tjera për të siguruar vota. Zgjidhja e këtij problemi 20 vjeçar kondicionohet nga funksionimin korrekt i shtetit ligjor dhe mposhtja e korrupsionit; zgjidhja do t'i hapë rrugën investimeve serioze dhe është një nga kushtet kryesore për integrim evropian. Me qindra raste janë dërguar para Gjykatës Europiane të të Drejtave Njerëzore dhe Gjykatave shqiptare. Në sit do të gjeni dokumentet tona kryesore si dhe KËRKESAT TONA URGJENTE PËR AUTORITETET SHQIPTARE https://defendingproperty.com/our-position/shqip/

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google+

Po komentoni duke përdorur llogarinë tuaj Google+. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s