Pa kthyer pronën tek i zoti, lufta kundër korrupsionit është vetëm slogan politik

Nga Loro Stajka

Botuar në Gazetën Telegraf 23/11/2014

pronatKujtesë, drejtuar Kryeministrit z. Rama, deputetëve, gazetarëve, analistëve të politikës dhe shqiptarëve patriotë: Kontribuoni për vendosjen e shtetit ligjor dhe të drejtësisë në Shqipëri

Shqetësimi im për këtë kërkesë publike fokusohet tek politikat negative ndaj pronarëve që ka realizuar PD/PS, pas vitit 1991 e deri sot. Kjo politikë që shkatërron themelet e demokracisë dhe të ardhmen e popullit shqiptar, po vazhdon prej 23 vjetësh për shkak të mungesës së vullnetit politik për kthimin e pronës tek i zoti, duke zbatuar Kushtetutën e vendit. Kur popullit i mohohet prona e trashëguar, ai zhytet në mizerje, në konflikte dhe kjo është skllavëri e maskuar. Burimi i të keqes është anarkia e pronës dhe sistemi në Shqipëri nuk është demokratik, por pseudodemokratik…

Unë, nuk mund ta paragjykoj se çka do mund të thotë ambasadori i SHBA-së në Tiranë, zoti Aleksandër Arvizu, për këtë problem, por dëmet e kësaj politike, me mbi 8000 të vrarë, konflikte pa fund dhe korrupsion në sistemin e drejtësisë, tejkaloi ato të çdo pushtimi që ka kaluar nga Shqipëria dhe ato të periudhës së rëndë sllavo-komuniste që kaloi populli shqiptar. Pronarët u mashtruan nga Berisha/Nano, por shumica druhen të shprehen publikisht, pasi do të përballen në konflikte me mafien që u ka grabitur pronat dhe po ashtu edhe me pushtetin që mund t’i largojë nga puna. Duke shkruar me sinqeritet këtë letër publike për problemin e pazgjidhur të anarkisë së pronës, ndjej se realizoj një detyrim moral dhe patriotik ndaj atdheut tim. Theksoj se për këtë problem themelor të të drejtave të njeriut, shumë nga bashkëpatriotët e mi që jetojnë në Shqipëri e kanë humbur besimin tek politika, tek drejtësia dhe presin nga ndërkombëtarët, por problemet duhet t’i zgjidhin politikanët shqiptarë.

Nuk vlen “fitorja” e Beogradit nëse nuk zbaton Kushtetutën në vendin tënd

Më datën 15/2/2014 gazeta “Telegraf” ka botuar një letër që unë ju kam adresuar publikisht ju dhe zotit Lulzim Basha, po për këtë problem, për të cilën ju me siguri jeni në dijeni. Ju drejtohem përsëri për të njëjtin problem pasi janë momentet decizive që të reflektoni dhe të veproni për të mos u zhytur më tej në rrugën e politikave antishqiptare. Unë personalisht, si një nga shqiptarët, që prej dekadash kam emigruar dhe jetoj në SHBA, por me dashurinë për atdheu tim, u ndjeva shumë i kënaqur për qëndrimin

tuaj objektiv në takimin me Daçiç në Beograd. Por, sa para bën kur në Shqipëri, edhe pas 23 vjetësh demokraci e shpallur me Kushtetutë, pronat akoma nuk u janë kthyer pronarëve, por mbizotëron kleptokracia. Në këto 23 vjet në administratën shtetërore dhe në sistemin e drejtësisë, nuk zbatohet ligji në përputhje me Kushtetutën, por korrupsioni dhe interesat vulgare. Ndërkombëtarët relatojnë se në Shqipëri, janë të shumta rastet kur nuk zbatohen vendimet e gjykatave të vendit dhe ato të Gjykatës së Strasburgut, por si mund të deklarohet nga ju, apo dhe nga ndërkombëtarët se funksionon shteti ligjor dhe sistemi i drejtësisë? A ka pasur probleme të tilla shqiptari në kohën e pushtimit otoman, pas Pavarësisë në 1912, apo edhe në kohën më të keqe të diktaturës? Në këtë 23 vjet nga klanet PD/PS është lejuar pandëshkueshmëria, edhe në rastet kur shkelja e ligjeve dhe përvetësimi e pronës së tjetrit është i qartë, prandaj dhe korrupsioni dhe e keqja është zhvilluar nga lart poshtë. Është klasa politike e pas vitit 1991 ajo që ka lejuar këtë situatë që ka shkaktuar mbajtjen peng të pronave të pronarëve të ligjshëm, të grabitur nga diktatura sllavo-komuniste, për të pronësuar në ato prona pronarë, të fabrikuar nga klanet e politikës dhe të korrupsionit dhe po kultivon vëllavrasje. Pa kthim të pronës tek i zoti, fjala demokraci është politikë antishqiptare ose në rastin me të mirë iluzion. Prandaj, pa kthyer pronën tek i zoti, deklarimi se në luftën kundër korrupsionit nuk ka kthim prapa, është vetëm slogan politik.

Anarkia e pronës dhe djalli sllavo-komunist

Situata e anarkisë së pronës është tregues i mbijetesës së sllavo-komunizmit që është përshtatur në kushtet e pluralizmit. Djalli i sllavo-komunizmit nuk është çrrënjosur, por është përshtatur dhe po mbijeton dhe gabimet vazhdojnë të thellohen, për vetë faktin se pavarësisht nga fjalët dhe premtimet, maxhoranca gjatë këtij viti ka ecur në të njëjtin drejtim antikushtetues siç eci Sali Berisha, Fatos Nano dhe kryeministrat e tjerë pas vitit 1991. Për rrugën e gabuar me pronat, në periudhën e pas vitit 1991, mjafton fakti që z. Sali Berisha, ish President dhe ish Kryeministër, e ka pranuar publikisht, prandaj nuk ka pse përsërit më të njëjtat gjëra. Kjo është korniza e Katovicës dhe e Ramiz Alisë. Shqiptarët tradicionalisht e kanë respektuar pronën e tjetrit, kurse tani ligjet i justifikojnë të përvetësojnë ose të vjedhin pronat e njëri-tjetrit. Kushdo e ka të qartë se kjo politikë favorizon helenizimin e Shqipërisë së Jugut, fut konfliktin permanent midis shqiptarëve, i mban larg investimet e huaja. Unë kam qenë dhe jam me bindje të djathta, sepse ishte diktatura komuniste që më bëri jetën të padurueshme dhe më detyroi të rrezikoja jetën, të kaloja kufirin dhe të largohesha nga vendi im. Nëse pronën që Enver Hoxha e konfiskoi, ju do vazhdoni ta konsideroni pronë të shtetit, ose më saktë të maxhorancës në pushtet siç e ka trajtuar oligarkia politike e derisotme PD/PS, unë jua them shqip dhe me sinqeritetin ma të madh se: Me apo pa koshiencë, edhe ju jeni vazhdimësi e sllavo-komunizmit të maskuar me frazeologjinë demokratike. Nëse ju, si kryetar i maxhorancës, i konsideroni pronat e konfiskuara nga diktatura si pronë që duhet t’ju kthehet të zotëve, konform detyrimeve kushtetuese të vitit 1991 dhe Kushtetutës aktuale, atëherë për këtë problem unë jam me të njëjtën mendje me ju. Heshtja e pajustifikueshme e kryetarit të PD z. Lulzim Basha, për të drejtën e pronës së trashëguar më deziluzionon, pasi tregon mungesën e opozitës konstruktive.

 Z. Rama, zgjidhja është në dorën tuaj!

Megjithatë, zgjidhja apo moszgjidhja e këtij problemi themelor sot është ne vullnetin tuaj, pasi jeni kryetar i maxhorancës. Ju i keni të gjitha mundësitë, ta impononi pushtetin të zbatojë Kushtetutën, ose të miratoni me ligj detyrimin e Shtetit për të zbatuar Kushtetutën. Kjo kërkesë këtu në SHBA tingëllon qesharake ose pa kuptim. Pronat e konfiskuara nga sllavo-komunizmi nuk janë prona të pushtetit dhe as të shtetit dhe nëse doni sukses dhe demokraci, lufta kudër korrupsionit duhet të fillojë pa humbur kohë me kthimin fizik të pronës tek i zoti dhe korrigjimin e veprimeve të gabuara të bëra pas vitit 1991. Meqenëse gabimi ka marrë përmasa të mëdha dhe është sistematik, me ligj të Parlamentit duhet të korrigjohen ato akte, ku shteti pronën nuk ia ktheu familjes së shpronësuar, por bëri ligje që ato prona t’i përvetësojë oligarkia politike. Berisha u kufizua vetëm me legalizimet. Legalizimi mund të bëhet vetëm në prona që juridikisht i përkasin qeverisë apo shtetit, por jo mbi tokat dhe pronat e konfiskuara nga diktatura. Një vendim të ndryshëm nuk mund ta marrë askush, as edhe me ligj Parlamenti, përveç rastit kur toka është për nevojë publike dhe pronari i tokës zhdëmtohet paraprakisht e jo me mashtrime, duke kompensuar vetëm për 200 metër katrorë. Nëse ju nuk do të veproni me efektivitet për të korrigjuar gabimet Berisha/Nano me prona, por do vazhdoni po nё atë rrugë, korrupsioni do të prevalojë, degradimi moral i politikanëve do të thellohet dhe zgjerohet. Oligarkia politike do fitojë ca para më shumë, por Shqipëria dhe demokracia do dëmtohen. Ky është problem i ndërgjegjes tuaj kombëtare, detyrim i çdo politikani, deputeti, gazetari apo analisti të politikës. Kjo thirrje është për çdo njeri të ndershëm që të kontribuojë për vendosjen e shtetit ligjor dhe të drejtësisë, pasi “de fakto” për popullin shqiptar nuk ka demokraci për sa kohë shteti shkel Kushtetutën. Prandaj, ju lutem, në radhë të parë Ju, zoti Kryeministër, të shprehni në media qëndrimin tuaj ndaj këtij problemi, që i intereson jo vetëm shqiptarët e Shqipërisë, por edhe mijëra të tjerëve që kanë emigruar dhe nuk jetojnë në Shqipëri.

Situata e anarkisë së pronës është tregues i mbijetesës së sllavo-komunizmit që është përshtatur në kushtet e pluralizmit. Djalli i sllavo-komunizmit nuk është çrrënjosur, por është përshtatur dhe po mbijeton dhe gabimet vazhdojnë të thellohen, për vetë faktin se pavarësisht nga fjalët dhe premtimet, maxhoranca gjatë këtij viti ka ecur në të njëjtin drejtim antikushtetues siç eci Sali Berisha, Fatos Nano dhe kryeministrat e tjerë pas vitit 1991


 

Copyright © 2012 Gazeta Telegraf. All rights reserved.

Advertisements
Ky zë u postua te Albanian Authorities, Posts in Shqip dhe u etiketua me , , , , , , , , nga defendingproperty. Faqeruani permalidhjen.

Rreth defendingproperty

Përmes www.defendingproperty.com shoqatat "Pronësi me drejtësi" dhe "Bregdeti" synojnë të sensibilizojnë shoqërinë civile shqiptare dhe ndërkombëtare dhe donatorët e miqtë e Shqipërisë mbi problemin e pronave dhe kërkesat tona për zgjidhjen e tij: kthim i menjëhershëm i pronave të konfiskuara nga komunizmi pronarëve të ligjshëm dhe mirëadministrim i të drejtave të pronësisë. Kthimi i pronave dhe respektimi i të drejtës themelore të pronësisë private janë nga premtimet kryesore të shtetit të ri demokratik shqiptar të fillimit të '90. Deri më sot ky angazhim nuk është realizuar. Përkundrazi, politikanët e të dyja anëve kanë abuzuar me pronat dhe i kanë përdorur si burim pasurimi personal ose klanor, ndër të tjera për të siguruar vota. Zgjidhja e këtij problemi 20 vjeçar kondicionohet nga funksionimin korrekt i shtetit ligjor dhe mposhtja e korrupsionit; zgjidhja do t'i hapë rrugën investimeve serioze dhe është një nga kushtet kryesore për integrim evropian. Me qindra raste janë dërguar para Gjykatës Europiane të të Drejtave Njerëzore dhe Gjykatave shqiptare. Në sit do të gjeni dokumentet tona kryesore si dhe KËRKESAT TONA URGJENTE PËR AUTORITETET SHQIPTARE https://defendingproperty.com/our-position/shqip/

3 mendime mbi “Pa kthyer pronën tek i zoti, lufta kundër korrupsionit është vetëm slogan politik

  1. Një shtet që botërisht akoma nuk ka dënuar krimet e komunizmit ai nuk mendon për pronaret dhe pronat e tyre.Pa rrëzuar këto sporje të kuqe dhe bolshevik nuk do ketë drejtësi për ne shqipëtarët.Evropa plakë ka hallet dhe interesat e veta ,nuk qan shumë hallin për ne ,prandaj duhet mobilizuar me të gjitha forcat për të mbrojtur pronat e trashëguara dem baba dem.

  2. Duhet falenderuar zoti Loro Stajka sepse shkrimi tij tregon se ka shqiptare ne emigracion qe ju dhemset Shqiperia dhe vazhdojne te jetojne me problemet e popullit. Shkrimi tregon se shqiptarizmi nuk eshte shuar. Ne kontrast me kete shqetesim patriotik verejme qe Kryesia e shoqates Atdhetare Vatra nuk shprehet per kete problem. Ky eshte tregues i keq qe i turperon ata drejtues. Apeli i zoti Stajka per politikanet , intelektualet dhe mediat shqiptare eshte si sinjal kushtrimi . Vetem kur Kuvendi i Shqiperise do ktheje me ligj pronen tek i zoti shoqeria shqiptare do futet ne rrugen e demokracise , drejtuesit e politikes do jene shume me pak te korruptuar dhe keto qe jane klane dhe klika interesash por quhen parti politike do futen ne rrugen e drejte dhe do konsolidohen si parti politike qe zbatojne parime te majta apo te djathta. Per te dale nga kjo situate antisociale do te mjeftonte edhe vetem nje fjale nga ambasadori i SHBA apo ai i BE, qe bejne sikur nuk kane degjuar sikur nuk dine te lexojne dhe sikur nuk kuptojne se prona eshte themeli i te drejtave te njeriut . Se drejtesia e vonuar eshte drejtesi e mohuar.

  3. Jane qindra letra, peticione, shkrime, etj te bera, per kthimin e prones, nga shoqatat e pronareve, nga komunitete te fshatrave e mijera te tjera nga individe, qe ne keto 23 vite i jane drejtuar me radhe Drejtuesave te Shtetit, Presidenteve, Kryeministrave, gjykates kushtetuese, gjithe institucioneve vendore, por asnje reagim, te gjithe bejne Shurdhin. Maxhoranca aktuale politike jo vetem qe nuk e mbajti fjalen, por po ben edhe kokfortesi, duke e quajtur tashme ceshtje te mbyllur, kthimin e prones, pasi kane kaluar 23 vjet, por ne i themi kryeministrit se Kushtetuta ja njeh pronen atij qe e ka trasheguar ne shekuj e jo pronarit qe fabrikoi qeveria pseudodemokratike e tipit Sllavo-komunist. Kryeministri ka problem portretin e Enverit, bunkerin e Enverit, Dosjet e Enverit etj, per ne pronaret, ato nuk kane tashme asnje vlere. Rendesi ka se cmendon e ckoncepte ka per kthimin e prones pronarit qe e trashegon, sepse kjo eshte A-ja dhe thelbi i nje sistemi ekonomiko-shoqeror e percaktuar qarte e prere ne konventen nderkombetare te te drejtave te njeriut.

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google+

Po komentoni duke përdorur llogarinë tuaj Google+. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s