Pas një përgjigje të sipërfaqshme dhe të papranueshme ndaj letrës dërguar më 28 shtator, Bregdeti i shkruan përsëri Bankës boterore. Shoqata shpreh keqardhje duke e konsideruar përgjigjen si një rast të humbur për të reflektuar mbi gabimet dhe keq-orientimet e evidentuara në raportin e Bankës botërore mbi pronat të prillit 2012. Bregdeti i konsideron rekomandimet e raportit në kundërshtim me nenet 41 dhe 181 të Kushtetutës dhe të drejtën themelore të pronësisë private. Bregdeti konsideron se çdo projekt ose rekomandim ekonomik i cilitdo institucion ndërkombëtar duhet në radhë të parë të respektojë Kushtetutën dhe të drejtat themelore të vendit. Bregdeti është i vendosur të arrijë objektivin e respektimit të të drejtës themelore të pronësisë të garantuar me Kushtetutë  nga Organet shtetërore shqiptare si dhe çdo institucion ndërkombëtar që punon në këtë fushë. Bregdeti do vazhdojë të informojë publikun dhe të interesuarit e tjerë mbi këtë çështje.

Për më shumë, konsultoni letrën e Bregdetit të 24 tetorit (në anglisht) 20121024_EN shkruar si reagim ndaj përgjigjes së papranueshme të Bankës botërore të 11 tetorit 2012 (anglisht) 20121015_EN.