Për kthimin fizik të pronave konform detyrimeve të Kushtetutës së Republikës

Përmendje

DEKLARATË PËR SHTYP E SHOQATAVE TE PRONARËVE

Tiranë, 30 maj 2014

Duke marrë shkas nga anarkia në të cilën ndodhet aktualisht problemi i pronave në Shqipëri, Shoqata Bregdeti, Shoqata Pronësi me Drejtësi dhe shoqata Dukati (Degët Tiranë, Durrës, Vlorë e Fier), u mblodhën së bashkupër të diskutuar lidhur me situatën anarkike e kleptokratike me pronat, si rezultat i mos zbatimit të Kushtetutës së Republikës, për kthimin e pronës pronarëve trashëgimtarë.

Në kuvënd u shpreh shqetësimi se Qeveria, nuk po zbaton nenin 41 dhe 181 të Kushtetutës së Republikës, të cilët sanksionojnë të drejtën e njohjes dhe kthimit fizik të pronës së trashëguar, por në mënyrë arbitrare vazhdon të zbatojë standarde të shumëfishta, duke e futur popullin në konflikt të përjetshëm me njëri tjetërin.

Argumenti i Qeverisë RAMA se: “ atyre që kanë gati çerek shekulli që po e punojnë tokën (dmth pronarëve të rinj ), do tua japim pronë në bazë të 7501-shit” përveç se është antikushtetues është edhe i padrejtë. Po ne pronarët që këtë tokë e kemi trashëguar e punuar në shekuj, si dhe kemi çerek shekulli që po e kërkojmë – a nuk paskemi shumëfish të drejtë ? Vazhdoni leximin

Vetëm vendimet e Strasburgut, në qershor 2014, do mbyllin korrupsionin me pronën

Botuar në Gazetën Telegraf nga Ledjana SALIU më 19/05/2014

Anarkia postkomuniste me pronat, kontradiktat e ligjeve për pronat dhe projektet e financuar nga BE

Maja Koçijançiç, zëdhënëse e përfaqësueses së lartë Catherine Ashton në fillim të muajit Prill 2014 deklaroi se ambasadori Ettore Sequi, ka bërë në punë të shkëlqyer dhe komisioneri Stefan Fyle e falënderon atë për kontributin e rëndësishëm në përpjekjen për të sjellë Shqipërinë më pranë BE-së duke i uruar atij gjithë të mirat. Por ku po e çon popullin shqiptar ky menaxhim kaq i gabuar nga ndërkombëtarët?

Vazhdoni leximin

Pronarët thirrje ambasadorëve: E drejta e pronës të kushtëzojë qeverinë për dhënie fondesh!

Botuar në Gazetën Telegraf nga Ledjana SALIU më 20/04/2014

Qeveria insiston në zbatimin e Ligjit 7501. Dhënia e certifikatave të pronësisë, vazhdimësi e një rruge të gabuar

Shkelja nga ana e shtetit e të drejtës së shtetasve për të gëzuar pronën e tyre të trashëguar është një nga shkaqet madhore të kriminalizimit të shoqërisë shqiptare dhe problemi më i madh që shqetëson shoqërinë shqiptare sot, por dhe mund të jetë shkaku i mosmarrjes së statusit të vendit kandidat në BE edhe në qershor 2014. Disa herë Ministri i Bujqësisë Edmond Panariti, ka deklaruar se do jepen tapitë sipas certifikatave të lëshuara në bazë të Ligjit 7501. Në fakt spuntoja për këtë shkrim u bë emisioni “Top Story” i gazetarit Sokol Balla të dt. 17.04.2014, ku zbatimit të Ligjit 7501 iu bë jehonë edhe nga analisti Shpëtim Nazarko, ekonomisti Adrian Civici dhe Dhimitër Kote, kryetar i komunës Xarë, njëkohësisht fermer prej shumë kohësh. Në emision këta “opinionistë” mbështetën idenë që subjekti i shpronësuar të kompensohet, ndërsa subjekti që ka marrë një vërtetim sipas Ligjit 7501 të marrë dokumentet e pronësisë së tokës bujqësore.

Vazhdoni leximin

RRETHI VICIOZ I ÇËSHTJES SË PRONËS

Botuar në Gazetën SHQIP nga Arjola Tola, më 7 prill 2014

Shtyrja për një vit e afatit nga Gjykata e Strasburgut për mospranimin e ankesave të reja për cenimin e së drejtës së pronës, kundër institucioneve shqiptare, është njëkohësisht lajm i mirë dhe i keq, me gjithë deklarimet kontradiktore lidhur me këtë.

Kjo shtyrje e afatit rikonfirmon edhe njëherë se situata me pronat ka mbetur kaotike dhe, përpjekjet e deritanishme për ta zgjidhur atë kanë dështuar. Ajo rikonfirmon atë çfarë në mënyrë permanente, nga viti 2005 thonë progres-raportet e BE-së për pronat. Gjithashtu rikonfirmon atë me të cilën përballet çdo shqiptar, të cilit i është dashur të merret qoftë edhe njëherë të vetme me çështje pronësie. Ndërkohë, fakti që kjo vjen përsëri në vitin 2014 nga një institucion i këtij niveli, e bën këtë një lajm të keq. Vazhdoni leximin

Shteti i paguan pronarëve mbi 2 milionë euro

Vendimi/ Ekzekutohen vendimet e Gjykatës së Strasburgut për çështjet Themeli, Tushaj, Delvina dhe Manushaqe Puto e të tjerë kundër Shqipërisë

Qeveria shqiptare do t’i paguajë mbi 2 milionë euro pronarëve. Kjo është fatura financiare për 4 nga çështjet e pronarëve që i janë drejtuar gjykatës së Strasburgut, ndërkohë që, Strasburgu pret qershorin për të zbardhur vendimin për 83 çështje të tjera dhe fatura financiare do të jetë shumë më e shtrenjtë, ndoshta dhe e papërballueshme për shtetin shqiptar dhe për taksapaguesit shqiptarë. Ndërsa ekzekutimi i menjëhershëm i vendimeve të Strasburgut nuk do të shtonte faturën, pasi çdo ditë e kaluar rëndon shtetin shqiptar me një taksë për vonesën. Nëse shteti shqiptar nuk zgjidh një herë e mirë problemin e pronës në zbatim të Kushtetutës, atëherë pronarët do të zbarkojnë në Strasburg dhe taksapaguesit shqiptar do të paguajnë për papërgjegjshmërinë dhe hajdutërinë e institucioneve shtetërore.

Vazhdoni leximin

Shteti hesht para mosnjohjes dhe regjistrimit e titujve të pronësisë për tokën e bregdetit

Botuar në Gazetën Telegraf nga Klara CAUSHI më 01/04/2014

Shoqata Bregdeti i bën thirrje instancave më të larta shtetërore të heqin dorë nga praktikat e mosveprimit

Shoqata “Bregdeti” u bën thirrje përsëri pushtetarëve shqiptarë që të ushtrojnë tërë autoritetin dhe përgjegjësitë që u është dhënë nga Kushtetuta dhe kuadri ligjor në fuqi për të ndaluar veprimet e paligjshme të Bashkisë Himarë, të Këshillit të Qarkut Vlorë, të ZRPP të Qarkut Vlorë, që po tjetërsojnë të drejtat e pronësisë mbi token të pronareve të ligjshëm, mbështetur në dokumente të paligjshëm, të denoncuara nga kjo shoqatë. Në thirrjen e saj, ajo i drejtohet Kryeministrit, Kryetarit të Komisionit Qeveritar të Tokës, Ministrit të Drejtësisë, Prefektit të Qarkut Vlorë, Kryeregjistruesit të ZRPP, Regjistruesit të ZRPP të Qarkut Vlorë, Kryetarit të Këshillit të Qarkut Vlorë, Prokurorit të Përgjithshëm dhe Avokatit të Popullit. Ndër të tjera, kjo shoqata i kërkon Prefektit të Qarkut Vlore të aktivizojë Komisionin Vendor të qarkut Vlorë, për Verifikimin e Vlefshmërisë Ligjore të Titujve të Pronësisë mbi Tokën, që deri më sot me mos veprimin e tij ka lejuar dhe ka stimuluar abuzimet skandaloze dhe shkeljet flagrante të legjislacionit në fuqi të institucioneve përgjegjëse për njohjen dhe regjistrimin e titujve të pronësisë mbi tokën.

Vazhdoni leximin

Politikanët mashtrojnë Strasburgun për pronat

Botuar në Gazetën Telegraf nga Ledjana SALIU më 21/03/2014

Qeveria, mungesë transparence rreth bisedimeve të Strasburgut me krerët e agjencive dhe të institucioneve për çështjen e pronave

Problemi i pronës është bërë dhe dje objekt i diskutimeve në Parlament, shoqëruar me replika të ashpra mes Kryeministrit Edi Rama dhe kryetarit të Partisë Republikane, Fatmir Mediu. Përveçse akuzave të ndërsjella, si gjithmonë fajtori mbetet jetim, asgjë të re nuk solli ky konfrontim. Kryeministri Rama nuk tha asgjë se për çfarë është folur, apo vendosur në Strasburg kur delegacioni me krerët e agjencive dhe të institucioneve për çështjen e pronave shkoi në fillim-mars në Strasburg për të diskutuar për çështjen e pronave. Vazhdoni leximin

Danushi: çështja e pronësisë nuk mund të zgjidhet nga politika

Kryetari i Shoqatës Kombëtare të të Shpronësuarve, “Pronësi me Drejtësi”, Rrapo Danushi, në një prononcim për gazetën “Sot”, shprehet se çështja e pronësisë është e pashpresë nëse pritet të zgjidhet nga politika. “Prona do zgjidhet, por jo nga politika. Pronat janë vjedhur nga pushtetarët. Saliu në ’97 dhe në 2005 kur linte pushtetin, gjithmonë premtonte për pronën. Unë nuk pres nga këta se do zgjidhin pronësinë. Vazhdoni leximin

Pronarët kundër marrëveshjes së Strasburgut me qeverinë, kërkojnë dëmshpërblim për tokat e grabitura nga pushteti i Berishës

Shënim defendingproperty.com:
Gazeta Sot përdor në titull dhe në tekst termin “ish” pronarët, me të cilin ne nuk pajtohemi. Cdo pronë ka dhe mund të ketë vetëm një pronar të ligjshëm.
Ish pronarët kundër marrëveshjes së Strasburgut me qeverinë, kërkojnë dëmshpërblim për tokat e grabitura nga pushteti i Berishës

Pas odisesë së padrejtësive dhe korrupsionit përgjatë 23 viteve, ish pronarët janë irrituar dhe revoltuar së tepërmi edhe ndaj marrëveshjes të arritur mes qeverisë dhe Strasburgut për të bllokuar për katër vjet kompensimin e pronave për ish pronarët. Qeveria shqiptare është detyruar të bindë Gjykatën e Strasburgut për të shtyrë afatin e kompensimit të pronave të ish pronarëve, për shkak të faturës së lartë që la qeveria e mëparshme, por vetë ish pronarët e kundërshtojnë këtë marrëveshje pasi parashikojnë se situata në të ardhmen do të përkeqësohet më shumë. Sekretari i Përgjithshëm i shoqatës më të madhe të pronarëve “Pronësi me Drejtësi”, Agim Toro (foto), në një prononcim për gazetën “Sot”, shprehet se nëse kjo marrëveshje do të zyrtarizohet, do të shkelë të drejtat e njeriut. 

Vazhdoni leximin

Shqipëria rrezikon përjashtimin nga Këshilli i Evropës, tre drejtorë në Strasburg për moszbatimin e vendimeve në favor të pronarëve

Më poshtë po botojmë një artikull nga gazeta Sot/Adriatik Doçi mbi kërcënimin shumë serioz të përjashtimit të Shqipërisë nga Këshilli i Evropës si pasojë e mos-respektimit të të drejtave te pronësisë . Ne kemi raportuar mbi këtë paralajmërim rreth një vit më parë.

Ndryshe nga shkrimi i mëposhtëm, ne mendojmë se fatkeqsisht asnjë qeveri deri më sot nuk ka pasur vullnet politik për zgjidhjen e çështjes së pronave.

Ligji 7501 ishte zbatim, nga Ramiz Alia, i politikës së Katovicës që kishte për qëllim të ngatërrojë një popull dhe të mundësojë pasurimin e “elitave” në pushtet.

Fatkeqsisht thelbi i kësaj politike anti-pronë dhe anti-pronar është zbatuar gjatë këtyre 20 viteve të fundit nga të gjitha forcat politike që kanë ardhur në pushtet.

“Pendimet” e radhës (Majko, Dokle, Berisha, Mediu….etj.) duhet të shoqërohen me masa konkrete që të bëhen të besueshme! Përndryshe mbeten lojë politike për të shtyrë pafund zgjidhjen e problemit të pronave.

Masat konkrete janë: respektim në legjislacion dhe praktikë i neneve 181 dhe 41 të Kushtetutës, abrogim ose korrigjim i ligjeve antikushtetuese si 7501, dhe thjeshtim i legjislacionit. Prej mëse një viti ne i kemi propozuar politikës dhe shtetit shqiptar një projektligj të vetëm i cili zëvendëson morinë e ligjeve ekzistuese kontradiktorë dhe pjesërisht antikushtetues. Eshtë koha që ky projektligj të studjohet seriozisht dhe të adoptohet nga Parlamenti.

Shoqatat “Pronësi me Drejtësi” dhe “Bregdeti”
———————————————————————————————————————-
Nga Adriatik Doçi
Shqipëria rrezikon përjashtimin nga KiE, tre drejtorë në Strasburg për moszbatimin e vendimeve në favor të pronarëve

Fatura dhe pasojat e korrupsionit të qeverisë së kaluar me pronat, trojet dhe zonat turistike, rrezikon të përjashtojë Shqipërinë nga Këshilli i Evropës si dhe nga Konventa Evropiane e të Drejtave dhe Lirive Themelore të Njeriut. Pamundësia

financiare e qeverisë aktuale për të zbatuar vendimet e Gjykatës së Strasburgut për pronat, e ka futur vendin tonë në një hulli të rrezikshme, ku pritet të përballet me sanksione të forta. Vendimet e pazbatuara, të trashëguara nga qeveria Berisha, tashmë janë kthyer në bumerang. Përballë kësaj situate, një delegacion me krerët e agjencive dhe të institucioneve për çështjen e pronave, kanë zbarkuar me urgjencë në Strasburg për të negociuar lidhur me afatet e prera për zbatimin e vendimeve të Gjykatës së Strasburgut, shumica e të cilave janë në favor të ish-pronarëve dhe kundër administratës dhe gjykatave të shtetit shqiptar. Vazhdoni leximin